Anekdot Bahasa Jawa : BBM Mundhak

Assalamu'alaikum Warahmatullahi Wabarakatuh,

Selamat siang semua, pada hari ini aku akan share tentang hasil karya tulisanku yaitu anekdot dalam bahasa Jawa yang dulu kugunakan untuk tugas bahasa Jawa di sekolah. Langsung aja, berikut ceritanya...

BBM Mundhak

BBM - via kanalsatu.com

   “Sing jenenge bantuan iku pancen apik. Tapi nek bantuan kui marakne kabotan sing mbantu kan malah ra apik tha?”. Pitakonku kambi Agus, koncoku sing katmau tetep ngeyel wae ora gelem bbm regane dimundhakne. “Opo yo kudu dimundhakne tha? Opo ora ono coro liyo? Kan mesakne wong wong sing ra ndue kae, uripe wis susah, saiki soyo susah. Piye perasaanmu to Mbang?” jawabe Agus ra gelem ngalah. “Tapi pemerintah yo mesakne Gus yen kudu ngetokne anggaran akeh banget mung dingo nekan rega bbm, pemerintah rugi triliunan rupiah dinggo manjakne rakyat Gus.” Aku sing pro pemerintah tetep mbelo kebijakane pemerintah. “Sik sik Mbang, engko meneh, bu guru uwis rawuh.” Agus ngakhiri diskusi adewe cah loro mego bu guru Ekonomi uwis rawuh.

   Memang akhir akhir iki kebijakane pemerintah tentang penaikan harga bbm (bahan bakar minyak) pancen dadi topik ning ndi ndi. Berita ning tv lan koran akeh mbahas tentang pengalihan subsidi bbm. Ono pro lan uga ono kontrane. Ono sing nganggep pemerintah kudune ngurangi subsidi bbm amerga isoh dinggo hal sing luwih produktif, tapi uga ono sing kontra soale isoh mbebeni rakyat cilik.

   Bu guru Ekonomi sing uwis lenggah ujug ujug mbahas masalah bbm mundhak, aku lan Agus sing lungguh jejer kaget. Ra nyongko topik sing bar awakdewe bahas diomongne maneh. Pancen adewe iki pelajar SMA sing seneng ngritisi pemerintah. Opo opo sing pemerintah gawe mesti awakdewe bahas. Opo meneh Aku lan Agus wong nglaju, mestine mbutuhne kendharaan sing nganggo bbm. Dadi masalah iki wes dadi masalah sing penting dinggo awakdewe.

Paluna mana? - via uniqpost.com

   Sing mbedakne Aku mbi Agusi, nek Aku wonge serius, Agus wonge cengengesan. Koyo pas masalah palu ilang ning sidang paripurna DPR pas kae, deke pas ketemu mbi aku ujug ujug ngetokne palu kayu ning njero tase kambi mbengok, “ Mbang, palune DPR wes ketemu!!!”. Aku ngguyu kemekelen.

   Bu guru njelasne wektu iki pemerintah pancen ono ning posisi serba salah. Nek ra dimunggahne engko anggarane pemerintah kurang nek ameh nggawe infrastruktur. Akhire negarane ra maju maju. Tapi yen subsidi terus, soyo sue anggarane yo entek. Agus nyikut aku, “Mbang, nggawe lagu yo!”. “Lagu opo?”, Aku syok jebule Agus malah mbahas seni musik. “BBMku sayang BBMku malang Mbang, engko dilebokne youtube, ngen awakdewe dadi koyo Eka Gustiwana” Agus imajinasine keduwuren. Aku njut ndemok batuke karo ngomong, “Wes ngombe obat Gus?” Bu guru sing mau njelasne ujug ujug nduding aku mbi Agus. “Nah, Bambang mbi Agus, piye pendapatmu babagan bbm mundhak?”. Adewe sing dikenal pinter pendapat babagan pemerintah ora kaget ditakoni koyo ngono. Aku dengan pd-ne ngomong ngalor ngidul.

   “Kulo ingkang bocah SMA enten pro lan kontrane bu, nanging kulo pribadi luwih milih purun mundhakne bbm, kenging menopo? Soale kulo pernah moco wonten FBnipun pak Jokowi, alih fungsi anggaran bbm subsidi niki dingge mbangun infrastruktur, kajaba bendungan, stadion internasional dingge piala dunia, transportasi massa, lan uga pembenahan bantuan kesehatan lan pendidikan. Dan kulo nggih mikiripun rega bbm wonten Indonesia taksih murah dibanding kambi negoro liyane. Dadinipun masyarakat ampun ngeluh soal bbm mundhak, luwih becik ndukung pemerintah supaya programipun saged jalan lan masyarakat kedhah percoyo menawi programipun pemerintah soal bbm mundhak niki mengkih enten apike bu.” Aku njelaske nganti lambeku garing saking akehe.

   “Yo, pendapate Bambang apik banget, pie pendapatmu Agus?” bu guru takon genti kambi Agus. “Kulo sependapat mbi Bambang bu!” jawabe Agus mantap disambut kambi guyu kemekelan konco sak kelas. Aku melu ngguyu lan uga anyel, maune we Agus wegah pro, eee saiki manut mbi aku, bathinku. “Apik to Mbang, pendapatku?” Agus takon aku mbi ngampet ngguyu. “Apik banget Gus, Akue nganti terenyuh”, jawabku mbi ngguyu kemekelen.

   Tapi emang pancen aku dadi sadar mbi perilakune Agus kui mau, mungkin Agus kui umpomone masyarakat Indonesia. Mungkin masyarakat mikire mung imbase ning pasar, harga mundhak, opo opo larang. Tapi yen bar krungu alesan pemerintah ameh mundhakne mergo ameh menyejahterakan masyarakat dengan perbaikan infrastruktur. Mungkin masyarakat isoh nrimo lan gelem ndukung programe pemerintah iki. Yo opo sih sing ameh dilakoni pemerintah yen ora dinggo masyarakat?

   Sebagai informasi, memang aku menulis anekdot ini saat masih ngelaju dan isu bbm naik, dan juga mengambil cerita mengenai palu yang hilang pada sidang dpr saat itu. Terimakasih sudah membaca.

Wassalamu'alaikum Warahmatullahi Wabarakatuh.